Старите и новите автомобили што ќе бидат увезени во Македонија ќе се царинат исто, односно царинските давачки ќе изнесуваат 5 отсто од вредноста на автомобилот.За сите автомобили што се увезуваат без разлика на техничките перформанси на возилото, ќе се плаќа иста царинска давачка.. Ова го предвидува амандманот на измените и дополнувањата на Законот за царинска тарифа што беше прифатен вчера од собраниската Комисија за финансирање и буџет, а поднесен од група пратеници на ВМРО-ДПМНЕ. Со ова би се извршило целосно изедначување на царинските стапки во глава 87 во царинскиот тарифник кај патничките автомобили, со што и новите и употребувани автомобили ќе бидат со иста царинска давачка од пет проценти. Со оваа царинска давачка би се царинеле сите автомобили без разлика на видот на каросеријата и техничките перформанси на возилото.Членовите на Комисијата го усвоија и амандманот со кој Предлог-законот за измени и дополнување на Законот за царинска тарифа ќе стапи во сила веднаш по објавувањето во „Службен весник“. Со ова, влегувањето во сила на овој закон се усогласува со стапувањето во сила на Законот за изменување и дополнување на Законот за акцизи.